Aabot sa 40 katao ang nasawi at mahigit 115 iba pa ang sugatan sa naganap na sunog sa isang ski resort sa Switzerland.
Itinuturing ni President of the Swiss Confederation Guy Parmelin na ang naganap na sunog sa Crans-Montana Ski resort ay isa sa pinakamatinding trahedya na nangyari sa kanilang bansa.
Ayon sa Cantonal Police of Valais, nagkaroon ng malakas na pagsabog dahil sa nangyaring sunog, ngunit wala namang indikasyon ng terorismo sa lugar.
Marami sa mga sugatan ay nagtamo ng malalang paso.
Dahil dito napilitan nang magdeploy ng 10 helicopter, 40 ambulansya, at 150 rescue personnel ang mga awtoridad para tugunan ang karumaldumal na insidente.
Ayon sa ulat hindi pa tukoy ng mga awtoridad ang pinagmulan ng sunog at sinabi na hindi “explosive device” ang dahilan ng malakas na pagsabog.
Aabot pa ng ilang araw bago tuluyang makilala ang mga nasawing biktima habang ang mga sugatan ay patuloy na nagpapagaling sa pagamutan.
Maraming tao ang pinaniniwalaang nasawi na at higit 100 ang sugatan matapos mangyari ang isang sunog sa isang bar sa ski resort sa Crans-Montana, Swiss Alps, Switzerland habang ipinagdiriwang ang pagsalubong sa Bagong Taon, nitong Enero 1, 2026.
