Mga kabombo! Isa ka rin ba sa avid-user ng mga crocs at samu’t saring pin ang iyong disensyo?
Isang lalaki mula Connecticut, USA ang tinaguriang “Croc King” ang nakapagtala ng isang Guinness World Record dahil sa koleksyon ng kaniyang mga crocs.
Ayon kay Doogie Sandtiger, higit pa sa 3,569 na pares na nai-tally ng Guinness ang tunay na bilang ng kaniyang koleksyon sa kasalukuyan.
Ang kaniyang hilig sa pangongolekta ay nagsimula pa noong 16 taon gulang pa lamang siya sa kadahilanang hindi niya natutunang magtali ng sintas ng kaniyang sapatos noong siya ay nasa bahay-ampunan pa lamang.
Saad niya, lingid sa kaalamanan ng karamihan ay bahagi na ng foster care system na marami sa mga bata ay hindi natuturuan sa mga bagay-bagay.
Noong kabataan din ni Sandtiger ay may listahan siya ng kaniyang mga goal sa kaniyang journal at duon din siya nagsimula sa pangongolekta.
At sa kaniyang original goal, nasa 366 lamang nag pares ng Crocs ang kaniyang pinangarap.
