Dagupan City – Buo ang suporta ng Filipino community sa isang kalahok na may dugong Pilipino sa prestihiyosong Mister USA 2025 pageant.
Isa sa mga inaasahang papasok sa finals ngayong araw ay si Tyler Mata, na kinatawan ng Colorado.
Si Mata, 30 taong gulang, ay isang kilalang social media personality at professional model.
Sa naging panayam ng Bombo Radyo Dagupan kay Bradford Adkins, Bombo International News Correspondent USA sinabi nito na malaki ang tiyansa ni Tyler dahil sa angking tangkad, karisma, at personalidad, hinahangaan din siya sa kanyang talento at pagiging mahusay sa entablado.
Sa katunayan ani Bradford ay isa siya sa mga standout candidates ngayong taon.
Sa ginanap na Mister USA 2025 Talent Showcase, pinamalas ng 50 kalahok mula sa iba’t ibang estado ng Amerika ang kani-kanilang talento—mula sa musika, sayaw, hanggang sa iba’t ibang performance arts.
Layunin ng patimpalak na hindi lamang ipakita ang kagwapuhan at tindig ng mga kalahok, kundi pati na rin ang kanilang creativity, advocacy, at purpose.
