BOMBO DAGUPAN- Hindi na nagawa pang makaabante si Filipino Boxer Aira Villegas upang sungkitin ang gintong medalya matapos itong matalo sa laban nito kay Turkish Boxer Buse Naz Cakiroglu sa semifinals ng Women’s 50kg Boxing Division sa pagpapatuloy ng 2024 Paris Olympics.
Dinomina kaagad ni Cakiroglu ang Round 1 kung saan nakuha nito ang perfect 10 points sa 5 judges.
Napatumba man ni Villegas si Cakiroglu sa Round 2 subalit hindi pa din pumabor sakaniya ang round na ito kung saan muling nakapagtala ng perfect 10 points sa 5 judges ang Turkish Boxer.
Hindi na din nagawa pang makabawi ni Villegas sa Ruond 3 kung saan nagtapos din ito sa paborableng round para kay Cakiroglu.
Nagwagi ang Turkish Boxer sa pamamagitan ng uninamous decision at nagtapos sa 5-0 score.
