DAGUPAN CITY- Arestado ang isang Top 2 Most Wanted na 18 taong gulang na binata sa bayan ng Bugallon matapos umanong gahasain ang sarili nitong pamangkin
Ayon kay PMaj. Ramsey Ganaban, Officer In Charge ng Bugallon MPS, sa bisa ng warrant of arrest, naaresto ang kinilalang si Juzel Panlilio, 18 anyos, walang trabaho, at residente ng Brgy. Laguit Centro, sa nasabing bayan.
Ayon sa kanilang imbestigasyon, 15 anyos na pamangkin ng suspek ang kinilalang biktima kung saan dalawang beses umano itong ginahasa. Marso 2020 nang unang mangyari ito sa pamamahay ng biktima ang krimen at naulit muli noong nakaraang taon lamang nang malasing naman ang suspek.
Sa inilabas na warrat of arrest, nahaharap ang suspek sa kasong 2 counts of Statutory rape at wala itong bail bond.
Dinala naman sa kustodiya ng naturang himpilan para sa kaukulang dokumentasyon at tsaka i-tinurn over ito sa pangangalaga ng korte para sa nasabing pagpataw ng kaso.
