DAGUPAN CITY- Isinagawa ng Lokal na Pamahalaan ng Lingayen ang inspeksyon sa MRF-Menro at Basing Agricultural Farm.
Layunin ng inspeksyong ito na subaybayan ang mga kagamitan, tukuyin ang mga pangangailangan para sa mga karagdagang proyekto, sapat na tauhan, at matiyak na epektibo ang pagpapatakbo ng mga pasilidad.
Ang demo farm ay nasa ilalim ng pangangalaga ng Municipal Agriculture’s Office, kasama ang aktibong pakikilahok at pagpapakilos ng mga Civil Society Organizations (CSOs) tulad ng Municipal Agriculture and Fishery Council (MAFC), Municipal Fisheries and Aquatic Resources Management Council (MFARMC), mga miyembro ng 4Ps, mga stakeholder, at iba’t ibang ahensiya ng pamahalaan.
Ang proyektong ito ay naglalayong suportahan ang mapapanatiling agrikultura at akwakultura sa bayan hindi lamang para sa kasalukuyang henerasyon kundi para sa kapakanan ng bayan sa hinaharap.
