DAGUPAN CITY– Inotopsy la so bangkay na Overseas Filipino Worker o OFW ya misteryoson inatey diad bansan Oman.
Dinauloan na pathologist na National Bureau of Investigation o NBI Dagupan so inpan eksamin ed bangkay kayarin mitongtong so istasyon na Bombo Radyo Dagupan kaibay pamilya na biktiman si Jaime Gutierez ya manlalapud ciudad na Alaminos.
Kaleganan tonya, anggapo ni palapag dia nen Dr. Ronald Bandolin say nangawa na outopsy makalanor ta sensitibo so kaso.
Diad kaplesan, aaralen danin maong so nala dan impormasyon ed inpaneksamin ed bangkay.
Iilaluan ya diad Mayo 23 la ipaway na resulta na otopsiya.
Immuna ed saya, inmasingger diad NBI so pamilya na OFW ya si Gutierez lapud agga ra manisian car accident so inateyan tonya ta singa ingagala iyan pinatey base ed say itsura na bangkay.
