Kinumpirma ng professional basketball star na si Kiefer Ravena at beauty queen-actress na Diana Mackey na sila ay in-a-relationship na.
Ito ay matapos na mag-post ang beauty queen na si Diana sa Instagram ngayong linggo, October 27, 2024, nang mga kuhang litrato nila ni Kiefer para batiin ito sa kanyang ika-31 kaarawan.
Dito isinalarawan din ni Diana si Kiefer bilang boyfriend na mapursigi at maalalahanin, dahilan para mas lalo niya itong hangaan at mahalin.
Hiniling din nito ang marami pang blessings kay Kiefer at marami pang taon nilang pagsasama bilang magkasintahan.
Samantala sa mga video na kumalat noon sa social media, makikita ang pagiging malapit at sweet sa isa’t isa ng dalawa habang sila ay naglilibot sa Siargao.
Si Kiefer ay kilalang basketball star at dating nobyo ni professional volleyball player na si Alyssa Valdez noong kasagsagan ng 2016 hanggang sa magkahiwalay naman ang mga ito noong Mayo, 2022.
