BOMBO DAGUPAN – Excited na ang mga FIFA Volunteer sa gaganaping FIFA World Cup na gaganapin sa Qatar.
Ayon kay Efren Luigi Bendo Jr., Bombo International news correspondent sa Qatar at isa sa mga volunteer sa naturang event, marami nga ngayong mga activities sa Qatar at nagdatingan na ang mga kalahok na manlalaro mula sa ibat ibang bansa.
Sa ngayon ay nakakalat na aniya ang mga otoridad lalo na sa mga tourist spot at mahigpit din ang seguridad na ipinatutupad sa mga stadium kung saan gaganapin ang event.
--Ads--
Sinabi ni Bendo na wala pang pinapayagan na audience o mga manonood na makapasok sa mga stadium, maliban lamang sa mga volunteers bilang bahagi ng preparasyon.
