DAGUPAN CITY– Papadisiran ya agga unsulok – unkulang 30 too so inaresto na National Bureau of Investigation o NBI Dagupan lapud operasyon na illegal numbers game diad ciudad na San Carlos.
Saya so kinumpirma diad eksklusibon impituyaw na Bombo Radyo Dagupan ed kinen NBI Dagupan Chief Rizaldy Jaymalin nilirad gagaween dan raid no iner kaslakan ed saray narel so kubrador tan puros matatakken la tan residente na abitlan ciudad.
Onong ed kinen Jaymalin, nanrequest diad opisina da so sakey ya Gian Balutan ya mangawa na operasyon kontra ed Globaltech Mobile Online Corporation o GMOC lapud ibabagan violation tonya.
Inkuwanton anengneng dan anggapo so superbisyon na Philippines Charity Sweepstakes Office o PCSO erd say gagaween ya draw na GlobalTech tan imbes say Point of Skill Machine so uusaren ya papelitos.
Diad natan, wala lad kustodiya da so naaresto tan akagetar ya ipasilong diad inquest proceedings natan ya agew.
Isegepan met na kaso ya walay koneksyon ed illegal gambling so Globaltech Mobile Online Corporation o GMOC.
