BOMBO DAGUPAN- Nasawi ang 3 Israeli border guards matapos pagbabarilin sa border point, sa pagitan ng Jordan at occupied West Bank.
Lumapit umano ang isang truck na minamaneho ng isang armadong lalaki sa Allenby Bridge mula sa Jordan at tsaka ito lumabas at nagpaputok ng baril.
Napaslang naman siya ng isang security personnel at agad naman binusisi ng Israel Defense Forces kung may mga pasabog sa loob ng truck.
--Ads--
Kinilala naman ang mga nasawi na sina Yohanan Shchori, 61, Yuri Birnbaum, 65, at Adrian Marcelo Podzamczer. Sila ay mga nagbabantay din sa border crossing, ngunit hindi myembro ng militar at kapulisan.
Sa ngayon ay isinara muna ang borderpoint sa pagitan ng dalawang bansa at iimbestigahan ang insidente.
