DAGUPAN CITY– Inelekan labat nen National security Adviser Hermogenes Esperon Jr so labay na New Peoples Army ya pan-imbestiga ed ibabagan human rights violation diad agawan labanan na aray sundalo tan NPA ed Sitio Pinamintasan tan Sitio Batulao diad Nasugbu Batangas ya inateyan na 15 miyembro danya.
Diad eksklusibon impituyaw na Bomboradyo Dagupan ed kinen Esperon imbaga ton agga makanepegan ya ipasen ya pansumlang ed human rights so insedente lautla akilaban irad saray otoridad.
Aliwa met ya police o armed force irayan totoo piyan sikaray armasan na paltog.
No nanonotan,unaabot ed 15 teroristang New People’s Army (NPA) kabiangan so kumander da so apatey legan ya limara balet ya sundalo so asugatan diad agawan labanan diad nisolinek ya parte na Sitio Pinamintasan diad Barangay Aya tan Kaylaway ed baley na Nasugbu, Batangas sa nen November 28 2017.
