Dagupan City-Mansasansian ligtas ed Red Tide Paralytic Shellfish Poison iray dayat diad Western Pangasinan.
Diad sangkaunuran ya advisory ya impaway na Bureau of Fisheries and Aquatic Resources natan ya bolan na Hulyo, umpapaway ya negatibo diad red tide iray dayat diad Bolinao, Anda, Alaminos, Sual, kaiba la so Wawa diad baley na Bani.
Kaleganan tonya, kaiba diad advisory so panpapaalwar tan panpapaiwas na pangan na saray seafoods manlapud Leyte, Daulis tan Tagbiliran City diad Bohol, Puerto Princesa tan Honda Bays diad Palawan kasumpalan ya anengneng ya positibo iraya diad paralytic shellfish poison.
Say impayo na BFAR, antaen so tuwan nanlapuan na saray sasaliwen ya shellfish piyan naiwasan ya makasaliw na manlapud saray lugar ya apektado na Red Tide.
