DAGUPAN CITY- Inaresto ng kapulisan sa bayan ng Binalonan ang isang binata matapos batuhin ang isang trak na dumadaan sa parte ng McKinley St., sa Brgy. Poblacion.
Ayon sa ulat, sinadyang harangan ng suspek ang truck sa gitna ng kalsada.
Nang makaiwas ang driver sa pamamagitan ng pagliko pakanan, hinabol pa ito ng suspek at pinagbabato, na nagresulta naman ng pagkabasag ng harapan at kanang bahagi ng salamin ng sasakyan.
Nang makorner ng mga pulis, naglaslas umano ang suspek sa kanyang kanang braso.
Kaagad namang dinala sa ospital ang suspek dahil sa ginawa nito para magamot bago dinala sa kulungan sa Binalonan Police Station Custodial Facility.
Mahaharap ito sa mga kasong Malicious Mischief, Alarms and Scandal, at Attempted Physical Injury, habang hinihintay ang commitment order mula sa korte.
Patuloy pa rin ang imbestigasyon ng mga awtoridad upang matukoy ang naging motibo ng suspek.
