Inaprubahan na sa special session ng Sangguniang Panglungsod ng Dagupan ang ordinansa kaugnay sa panibagong routa ng mga pumapasadang jeep sa De Venecia Highway extension dito sa lungsod.
Nakapaloob sa ordinansa na papayagan lamang na dumaan ang mga pampasaherong jeep sa araw ng kanilang coding.
Magsusumiti ang Sangguniang Panglungsod ng kopya ng ordinansa sa Land Transportation Franchising and Regulatory Board o LTFRB upang pag-aralan.
--Ads--
Kailangan muna umanong aprubahan ng LTFRB bago tuluyang maipatupad ang bagong rota sa ciudad.
Samantala, negatibo naman ang tugon ng ilang driber dahil wala umano silang makukuhang pasahero sa kahabaan ng De Venecia. Bagamat ang iba ay pabor dahil magkakaroon sila ng karagdagang kita.
