Dagupan City – Dinaluhan ang workshop ng mga miyembro ng Focal Technical Working Group (FTWG), Planning Support Group (PSG), at mga pinuno ng iba’t ibang tanggapan ng pamahalaang bayan upang suriin at bigyang-prayoridad ang mga iminungkahing polisiya, programa, at proyekto na natukoy sa isinagawang sectoral planning para sa Comprehensive Land Use Plan (CLUP) at Comprehensive Development Plan (CDP).
Sa pamamagitan ng sama-samang talakayan at financial programming, masusing tinasa ng mga kalahok ang mga panukalang proyekto batay sa kahalagahan ng mga ito sa pag-unlad ng bayan, kakayahang maisakatuparan, at pagkakatugma sa magagamit na pondo at iba pang mapagkukunan ng lokal na pamahalaan.
Layunin ng aktibidad na matiyak na ang mga prayoridad na programa at proyekto ng bayan ay naaayon sa pangmatagalang plano sa pagpapaunlad at nakabatay sa maayos na paglalaan ng pondo upang higit na mapakinabangan ng mga mamamayan.
Patuloy na isinusulong ng Pamahalaang Bayan ng Lingayen ang mas maayos na pagpaplano at mahusay na pamamahala ng mga proyekto bilang bahagi ng hangarin nitong makamit ang isang mas maunlad, matalino, at matatag na kinabukasan para sa buong bayan.
