Naglagay na ng walkthrough metal detectors sa Dagupan City National High School bilang bahagi ng mas pinaigting na hakbang para mapanatiling ligtas at secure ang campus para sa mga mag-aaral, guro at iba pang school personnel.
Makikinabang sa mga security device ang buong school community, dahil magagamit ito sa pag-screen sa lahat ng pumapasok sa school premises bago sila tuluyang makapasok sa loob ng paaralan.
Sa pamamagitan ng walkthrough metal detectors, mabilis na matutukoy kung may dalang ipinagbabawal na metallic items ang isang tao, na maaaring magdulot ng banta sa kaligtasan ng mga mag-aaral at mga kawani ng paaralan.
Inaasahang makatutulong ang mga aparato upang mas maging maayos at organisado ang pagpasok sa paaralan, dahil may malinaw na proseso ng pagsusuri at may nakatalagang magbabantay sa entrance area.
Layunin din ng paglalagay ng mga detector na mabigyan ng peace of mind ang mga mag-aaral, guro at magulang, lalo na at araw-araw na pumapasok ang daan-daang estudyante sa DCNHS para mag-aral at makilahok sa mga school activity.
Paalala sa mga mag-aaral na makiisa at sumunod sa proseso ng pag-screen, hindi maabala ang pagpasok at upang maging mabilis at maayos ang daloy ng mga tao sa entrance.
Sa kabuuan, ang pag-install ng walkthrough metal detectors sa DCNHS ay isang dagdag na hakbang para sa mas ligtas na learning environment, kung saan ang mga estudyante ay makakapag-aral nang walang pangamba at ang mga guro ay makakapagturo nang may kapanatagan.
Safe schools, safe students ang naging mensahe kasabay ng pag-install ng mga walkthrough metal detector sa Dagupan City National High School.
