Muling magsasagawa ang Lokal na Pamahalaan ng Binmaley ng libreng serbisyong medikal bilang bahagi ng kanilang Medical Mission 2026 para sa kapakanan ng mga residente.
Gaganapin ang ikalawang batch ng programa sa Mayo 8, 2026 sa Binmaley Evacuation Center mula alas-8 ng umaga hanggang alas-5 ng hapon.
Kabilang sa mga serbisyong ihahandog ang libreng tuli, minor operation para sa cyst, at libreng konsultasyon upang mas mapalapit ang serbisyong pangkalusugan sa komunidad.
Layunin ng aktibidad na matulungan ang mga residente lalo na ang mga nangangailangan ng agarang serbisyong medikal ngunit may kakulangan sa kakayahang pinansyal.
Ayon sa lokal na pamahalaan, patuloy ang kanilang pagsisikap na maghatid ng dekalidad at abot-kayang serbisyong pangkalusugan upang matiyak ang kaligtasan at kapakanan ng bawat mamamayan.
Inaanyayahan ang publiko na makiisa sa nasabing programa upang mas marami pang residente ang makinabang sa libreng serbisyong medikal.
