Umabot na sa 303 ang bilang ng mga nasawi dahil sa malawakang pagbaha at pagguho ng lupa sa pulo ng Sumatra, Indonesia, kasunod ng matinding pag-ulan na dala ng isang tropical cyclone.
Mas mataas ito kumpara sa naunang iniulat na 174 na nasawi.
Ayon sa ahensya, libu-libong kabahayan ang nasira, at daan-daang residente ang pansamantalang inilikas sa mga evacuation center.
Maraming pangunahing kalsada at tulay ang napinsala, na nagdulot ng paghirapan sa transportasyon at paghahatid ng tulong.
Malawak ang epekto ng malakas na ulan hindi lamang sa Indonesia kundi pati na rin sa Malaysia at Thailand.
Sa loob ng isang linggo, nagtuluy-tuloy ang pagbuhos ng ulan sa mga rehiyon, pinapalakas pa ito ng isang bihirang tropical cyclone na nabuo sa Malacca Strait.
Ang naturang bagyo ay nagdulot ng pagtaas ng tubig at pagguho ng lupa sa mga mabababang lugar.
Sa ngayon, nagpatawag na ang gobyerno ng mga rescue teams at volunteer groups upang makatulong sa search and rescue operations.
