DAGUPAN CITY -Nagpapasalamat ang Filipino community sa Trinidad and Tobago sa Outreach program ng pamahalaang Pilipinas doon.
Ayon kay Alan Tulalian, Bombo International News Correspondent sa Trinidad and Tobago, sa panayam ng Bombo Radyo Dagupan, nagpunta ang consular team mula sa Philippine Embassy sa Washington D.C. at Overseas Workers Welfare Administration o OWWA para pagserbisyuhan ang mga Overseas Filipino Workers o OFWs.
Kabilang sa mga isinagawang serbisyo ay ang renewal ng passport, dual citizenship,report of birth, OWWA membership at overseas voting.
Samantala, meron ding gaganapin financial literacy seminar at Virtual assistance ng Philhealth.
Sinabi ni Tulalian na malaking tulong ito para sa mga OFWs na nahihirapan para sa registration upang makaboto online o overseas voting.
