Mga kabombo! Nakakita ka na ba ng kuwago sa isang Christmas tree decoration?
Ops! Hindi dekorasyong kuwgao ha, kundi – isang buhay na kuwago!
Isang pamilya kasi sa Virginia, USA ang nagkaroon ng sorpresang Christmas tree decoration ilang araw bago mag-Pasko. Dahil, sa halip na si Santa Claus ang bumaba sa chimney, isang ligaw na barred owl ang kanilang naging bisita ngayong holiday season!
Ayon sa ulat, nakapasok ang kuwago sa bahay dahil sa kanilang chimney. Hinala nia, naakit ang kuwago sa kanilang Christmas tree at doon dumapo.
Bukod pa diyan, gumawa pa ito ng katatwang aksyon dahil, inalis niya ang nakapatong na Star sa tuktok ng puno at doon umupo at puwesto.
Agad namang tumawag ang pamilya sa Animal Welfare League of Arlington upang humingi ng tulong.
Nagpaalala naman ang Animal Welfare League ang publiko na tiyaking may takip ang kanilang mga chimney, lalo na tuwing taglamig, upang maiwasan ang pagpasok ng mga hayop tulad ng ibon, squirrels, at paniki.
