BOMBO DAGUPAN – Naging mabilis ang pagbebenta ng mga tiket sa dalawang araw na major concert ng P-pop girl group na BINI, ito ay matapos inanunsyo ng record label nila na Star Music noong Sabado, Agosto 31, 2024, ang pagdaragdag ng bagong petsa para ma-accommodate ang mas maraming tagahanga.
Ibig sabihin, tatlong araw na ngayong event ang concert, na magaganap sa Nobyembre 16, 17, at 18 ngayong taon sa Smart Araneta Coliseum.
Nabuo noong 2019, ang BINI—nagmula sa salitang “binibini”—ay binubuo nina Aiah, Colet, Maloi, Gwen, Stacey, Mikha, Jhoanna, at Sheena.
Ang eight-piece group ang nasa likod ng mga hit na kanta na “Pantropiko” at “Salamin, Salamin.”
Ngunit habang ang pagpapalawig ng konsiyerto ay isang malugod na balita para sa ilang mga tagahanga, ang iba ay hindi masigasig tungkol sa pinakabagong anunsiyo na ito.
Matapos naman ng announcement, nag-trending sa social media platform X (dating Twitter) ang mga paksang “LET BINI REST,” “LET THE GIRLS REST” at “NO TO GBC DAY 3”.
