Dagupan City – Siniguro ng lokal na pamahalaan ng Dagupan City na pananatilihin ang mga drug-cleared barangays sa kanilang nasasakupan.
Ito ay kaugnay sa inisyatibang maging tuloy-tuloy ang adbokasiya laban sa iligal na droga.
Kauugnay nito ay nagsagawa na rin sila ng workshop ukol sa Barangay Drug-Clearing Program bilang pakikiisa sa adbokasiyang wakasan ang paglaganap ng iligal na droga.
Naging daan naman umano ito upang magbigay ng oportunidad sa mga Barangay Councils na malaman ang proseso kung paano idineklarang Drug-cleared ang kanilang mga sakop na barangay pati na rin ang iba pang requirement sa pag-apply dito.
Samantala, patuloy naman ang adbokasiya sa lungsod bilang tinaguriang sentro ng komersyo at kalakalan ang Dagupan City sa Northern Luzon.
