DAGUPAN CITY- Aminado so Pangasinan Provincial Health Office o PPHO ya ipapasen ya makapaalarma so intagey nikurit ya kaso na dengue diad luyag.
Diad impituyaw na Bombo Radyo Dagupan ed kinen Ginoong Kimpee Jayson Cruz, Asst. Provincial Dengue Coordinator na PPHO, impalapag ton makakapagpaga so patuloy y idarakel ya bilang na aray indibidwal ya dadapuan na abitlan sakit.
Onong didlatest record manlapud bolan na Enero anggad Hulyo so akapangikurit lara na 1,942 dengue cases, mas atagey no ikumpara diad emben dan datos nen apalabas ya taon ya unaabot labat ed 1,004 ya bilang.
Inyarum tonin kaslakan na saray nagmamaliw ya biktima et saray ogogaw ya manedad katorse paleksab.
Inyarum toni so kaandian na disiplina diad paglilinis ed kaabungan da tan kaliber liber so sakey ya rason no akin agga unleleksab so bilang daray indibidwal ya dadapuan na sakit ya dengue.
