DAGUPAN CITY– Akikasakey so Dagupan City Government ed impansilibra na Agew na Kawayangan natan ya agew June 12 .
Inumpisahan iya diad impanpanengneng na audio visual presentation na saray agawgawa antes ya agamuran na bansa tayo so kawayangan manlapud say panag pairap na saray dayo.
Nanpatikyab met ira na balon bilang simbolo na kawayangan na bansan Pilipinas.
--Ads--
Angiter met na mensahe si Dagupan City Mayor Belen Fernandez ed saray dinmagop ed programa.
Malet so ginawan inpanbantay na saray police personnels ed panangidaulo nen PSupt John Dale Sulit piyan nasiguro so seguridad na saray dinmagop diad abitlan programa.
