DAGUPAN CITY– Sugatan so sakey ya barangay kagawad ya unkakandidaton barangay kapitan diad barangay tan SK election kasumpalan ya sakitan na sanama diad baley na San Nicolas, Pangasinan.
Diad impormasyon na saray otoridad, kinabat so biktima ya si Kagawad Zaldy Rodrigo, kwarentay nuwebe anyos, residente tan kagawad diad Barangay Malilion, San Nicolas tan unbabatik ya kapitan.
Onong ed imbestigasyon na saray otoridad, umpapaway ya say biktima so linmad lugar pian katongtongen so sakey ya Miguel Vitente.
Diad saman ya bekta so sinenggeran iya nen Rey Tabangin, retired Philippine Army tan residente met diad abitlan lugar.
Awalaan na ampetang ya diskusyon so duwara anggad angala na bote alak si Tabangin tan intupak ed kinen Kagawad Rodrigo tan saya so nakna ed ulo.
Kaleganan tonya, tinmulong met si Aldrin Tabangin, anak na suspek ed say inpansakit ed say abitlan biktima.
Naaresto met so duwara tan inawit diad kuwerpoy San Nicolas PNP legan ya itatarya lay kaso kontra ed sikara.
Onong met ed PNP, posiblen apantripan lang ng mga suspek ang biktima.
