DAGUPAN CITY– Inatey kasumpalan ya nalner nen mandive so sakey ya laki diad baley na Bugallon, Pangasinan.
Onong diad imbestigasyon na saray otoridad, umpapaway ya say biktimang si Jaypee de Guzman, 33 anyos, residente na Barangay Bantayan, Lingayen, so agto la agawaan ya inmagwat diad ilog nen sikato so tinmaboy manlapud Bugallon Bridge diad Barangay Bañaga ed baley na Bugallon.
Apaleenan na pigaran oras, say laman na biktima so anengneng ya manlulutang tan andilad bilay diad Agno River .
Kaleganan tonya, kumbinsido met so asawa na biktima ya si Maricel de Guzman ya aksidente so impatey tonya tan agla inmaboloy ya ipasilong diad autopsy so bangkay tonya.
Akabatan ya say biktima so manaames labat diad ilog kaibay agi to nen anonotan ton untaboy tan mandive manlapud tagey na taytay.
