Aray managsigay diad region 1, pinasakbayan ya agga uunlad dayat lapud bagyo

DAGUPAN CITY– Pinanonotan na Office of the Civil Defense (OCD) Region 1, so publiko lautla saray managsigay nilirad pantataryaan ya epekto na bagyon Maring diad rehiyon.

Akabatan ya natan ya labi so iilaluan ya ipelag na maksil ya uran tan say posibilidad na itamay mata na bagyo diad Aurora o Quezon province.

Diad esklusibon impituyaw na Bombo Radyo Dagupan diad kinen OCD Region 1 Head Melchito Castro, imporek tonya ya agla uunlad dayat iray managsigay ta makapoy so panaon tan angkakabaleg so daluyon.

Inamin met nen Castro ya saya so mabetbet lan problema diad probinsya kada walay maksil ya bagyo ta palanang ya diman so panlalapuan na saray managsigsay ya nababalang no walay bagyo.