DAGUPAN CITY– Intagey la na Office of the Civil Defense (OCD) Region 1, so red alert status lapud bagyon Maring.
Saya so kinumpirma ni OCD Region 1 Head Melchito Castro, diad esklusibon impituyaw na Bombo Radyo Dagupan.
Lapud wala lad storm warning signal number 1 diad saray probinsya na Pangasinan tan La Union, intagey la so alerto piyan napapeles so panrespondi no nakaokolan.
Diad kaplesan aka-alerto la so cluster diad Pangasinan tan La Union tan untan met saray gamit.
Masakbay met ya awalaan na koordinasyon so Office of the Civil Defense (OCD) Region 1, lapud bagyo.
Onong ed kinen Castro, asakbay iran akitongtong diad PDRRMO tan diad arum nin concerned agency piyan napanrayaan so abitlan kalamidad.
Impalapag met nen Castro, ya ‘blow by blow’ so paniiter da na impormasyon.
Iilalon ya natan ya labi so ipelag na sangka-kasilan na uran lapud bagyon Maring.
