Naaresto ang dalawang katao sa magkahiwalay na operasyon ng Urdaneta City Police Station kung saan mahigit ₱500,000 halaga ng hinihinalang shabu ang nakumpiska.
Sa unang operasyon, naaresto ang 61-anyos na babaeng massage therapist sa isang buy-bust operation sa Brgy. Sto. Domingo.
Nakumpiska mula sa kanya ang limang sachet ng hinihinalang shabu na tumitimbang ng 65 gramo, na may tinatayang halaga na ₱442,000.00.
Bukod pa rito, nakuha rin ang buy-bust money, isang glass tooter na may residue ng shabu, at isang gray pouch.
Ayon sa mga awtoridad, ang suspek ay isang high-value individual sa usapin ng ilegal na droga at subject sa “COPLAN AGLOSOLOS.”
Samantala, sa isa pang operasyon, isang 58-anyos na lalaki ang naaresto sa bisa ng search warrant.
Nakumpiska mula sa kanya ang 13 gramo ng hinihinalang shabu na nagkakahalaga ng ₱88,400.
Narekober ang walong maliit na plastic sachet na naglalaman ng hinihinalang shabu.
Nahaharap ngayon ang dalawang suspek sa kaukulang kaso at kasalukuyang nasa kustodiya ng Urdaneta City Police.
