1 patay, 2 sugatan sa banggaan ng garong at truck sa Manaoag Pangasinan

DAGUPAN CITY–Isa ang patay habang dalawa ang sugatan sa salpukan ng garong at truck sa bayan ng Manaoag Pangasinan.

Sa impormasyon mula sa pulisya, nagkanda pira-piraso ang sidecar ng garong sa lakas ng impact matapos sumalpok sa isang 12-wheeler truck.

Resulta nito ang pagkamatay ng pasahero nitong si Manny Villarante habang sugatan ang driver nito na si Ryan Roxas at angkas na si Jondi Manalon.

Ayon sa PNP, normal lang ang patakbo ng truck ngunit matulin ang kasalubong na garong na naging dahilan ng head on collision.

Napag-alaman na patungo sana sa bayan ng San Jacinto ang garong ngunit bago umalis ay nag-inuman muna ang mga biktima.

Ang garong ay ginagamit na sasakyan sa pagbiyahe ng mga alagang hayop.