DAGUPAN CITY– Malet ya kokontraen nen datin Lingayen-Dagupan archbishop Oscar Cruz so same sex marriage.
Diad ekslusibon impituyaw na bombo radyo Dagupan ed kinen Arch. Cruz, imporek ton say kasal so parad bii tan laki onong metla ed ley na kalikasan.
Inkuwanton agga nepeg ya melmelagen tan agga gagatin gatinan so inkatoo na saray totoon “lesbiyan, bakla, biseksuwal, tan saray transgender” o LGBT tan kaiba ed gangan na Diyos ya aruen tan igalang iraya.
Immunad saya, pormal ya inhain so abitlan proponin ley diad Kamara piyan birbiren so kasal na saray miyembro na LGBT o lesbian, gay, bisexual tan transgender.
Saya so improponi nen House Speaker Pantaleon Alvarez ya walay gegemtan ton nawalaan na “civil partnerships” iray LGBT couples.
Onong ed House Bill no. 6595, o Civil Partnership Act, iitdan na parehon karapatan tan benepisyo so LGBT couples.
