DAGUPAN CITY – Manpapaabig natan so sangkapinsan ya marikit kasumpalan ya saksaken na sakey ya tricycle driver ya nangetman manabuso ed sikara diad Barangay Nangalisan, Infanta, Pangasinan.
Onong ed impormasyon , palbangon nen agawa so insidente kaleganan ya nanaugip diad loob na kuwarto so sangkapinsan ya inyamot ed ngaran dan Jasmine tan Anna, parehon 16-anyos, estudyante diad Saint John Institute tan parehon residente ed abitlan lugar.
Linmoob diad kuwarto so suspek ya si Bonifacio Mirador, 20 tan inmabay ed saranya tan ginetman abusuen iran dua.
Bangbalet, abangon so sankapinsan nen sikara so karapasen tan ginapuan lan labusan.
Naniyag so duwara kanyang sinmudyot ed sikara so supek tan sinaksak to ra balet sinamben danya ya inkasugatan da.
Batik met ya tampol so suspek nen naantaan ton abangon so pamilya na saray biktima.
