DAGUPAN CITY– Napapagaan so Provincial Health Office (PHO) Pangasinan, lapud patuloy ya itatagey na bilang na kaso na sakit ya measles o tigdas diad bansa.
Diad exclusive interview na Bombo Radyo Dagupan, impalapg nen Dra. Ana Marie De Guzman, Provincial Health Officer na probinsya, anggaman diad probinsya mas abeba so naikurit ya kaso tonya ya 88 no iner duwara lay inatey, kumpara met ed say 112 case sa nen Enero 1 anggad Pebrero 4 2018, naalarma niran sansia ed indakel na bilang tonya diad interon bansa.
Impaliwawa nen Dra. DeGuzman,agga ligtas so probinsya manlapud virus ya manaawit ed saya. Pebrero ni labat tan posiblen untagey ni bilang na saray manskit na tigdas ya sakey ya sengegan met na ipatey n too ya manlalapud virus lautla did saray ogogaw ya agni abakunaan.
Immuna ed saya, nagmaliw ya public health problem so tigdas o measles natan diad Pilipinas kayarin dakel ya atateng so agga manlabay ya bakunaan so anak da lapud epekto na kontrobersyal yaa Dengvaxia vaccine.
