DAGUPAN CITY -Hustisya so kekerewen na pamilya na Overseas Filipino Worker o OFW ya inatey diad bansan Oman.
Onong ed say live-in partner na biktiman si Jaime Gutierrez ya si Irene Padaoang, aga ra manisian car accident so inateyan nen Guttierez ta singa inggagalan pinatey base met la ed nengneng na itsura na bangkay tonya.
Inkuwan nen Padaoang, ya agga arawin nagawa ya ginagalan pinatey so kaamong to ta sangkapatnag ya pinairap so biktima na say amo to tan diad trabaho to onong metla ed say istorya ed sikato.
Inistorya to ninya so dinalan na asawa to antes ya agaway makapasinagem ya impatey to.
Base ed say istorya to, unkukumaduwa so bansang Oman ya nantrabahuan na say asawa to tan saya so aminadon agga kumpleto iray dokumento ed inyales na say asawa to ta agga inmaboloy so amo ton manrenew na kontrata diad bansan Riyadh tan inyales labat iya diad bansan Oman parad pasimbalon trabaho.
