Binigyang linaw ni Milton Salinas, Miss Universe Philippines Accredited partner for Pangasinan o MUPAPP na walang deklarasyon na dito ganapin sa lalawigan ng Pangasinan ang Miss Universe competition.
Sa ekslusibong panayam ng bombo radyo Dagupan kay Salinas, nilinaw nito na ang walang mangyayaring event sa Monarch Hotel sa bayan ng Calasiao at ang mangyayari lang ay bubble lock in kung saan irerekord lang dito ang ibang shoot.
Una rito ay usap usapan na ganapin sa nasabing hotel ang preliminary competition ng pageant.
Samantala, ibinahagi ni Salinas ang mahirap na situwasyon na pinagdaanan sa paghahanda sa competition ng pambato ng Pilipinas na si Maureen Wroblewitz, mula sa bayan ng Rosales at kinatawan ng Pangasinan sa Miss Universe dahil sa mga protocols.
Dagdag pa ni Salinas na handa na mentally at physically si Wroblewitz at naniniwala si Salinas na malaking porsyento ang tsansa ng kinatawan ng Pangasinan na mananalo sa competition.
Napag alaman na bago ang pagsali sa Miss Universe ay pumirma na ito sa Star Magic.
Inilarawan pa niya ang kandidata na bukod sa maganda sa panloob at panlabas, simple, responsable, mabait na bata at walang kaartehan.
