Isang malaking itim na usok ang namataan malapit sa pangunahing paliparan ng Riyadh noong Sabado matapos makarinig ng malalakas na pagsabog sa kabisera.
Nangyari ito kasunod ng mga alertong ipinadala ng Saudi Arabia noong gabi na nagbabala sa posibleng panganib sa paligid ng lungsod, habang tumitindi ang mga pag-atake na iniuugnay sa grupong Houthi ng Yemen.
Batay sa mga video, makikita ang napakalaking usok na umaakyat sa himpapawid sa lugar. Sa unahan nito ay makikita ang highway patungo sa paliparan, pangunahing terminal at iba pang pasilidad.
Sa isang bahagi ng video, makikita rin ang apoy na tila nagmumula sa likod ng mga bagay na maaaring mga tangke ng gasolina.
Samantala, nagpadala ang Saudi Civil Defence ng mga alerto sa pamamagitan ng cellphone upang magbabala tungkol sa posibleng panganib ng mga pag-atakeng panghimpapawid sa Riyadh at sa lungsod ng Al-Kharj, na nasa silangan ng kabisera.
