DAGUPAN CITY- Mga, Ka-Bombo, gaano mo kadalas sabihin ang salitang on-the-way?
Paano kung on-the-way sa isang event, makasalubong ka nang swerte?
Ganiyan kasi ang nangyari sa isang lalaki mula sa Iowa, kung saan hindi nito inaasahang mananalo siya ng $500,000 sa isang lottery ticket habang papunta sa isang birthday party ng kaibigan.
Ayon kay David Smutz, kasama niya ang kanyang asawa nang bumili siya ng Mega Bucks scratch-off ticket mula sa Hy-Vee Drugstore sa Johnson Avenue sa Cedar Rapids.
Habang nagmamaneho naman ang kanyang asawa, ay naintriga ito at sinimulang kuskusin ang ticket.
Nang matukoy niyang nanalo siya ng $500,000 na top prize, hindi siya makapaniwala sa kanyang swerte.
Ayon pa kay Smutz, sa halip na ang kaibigan na may kaarawan ang mapansin, siya ang naging sentro ng atensyon sa party.
Maswete pala ang araw na ito para sa kaniya!
Plano namang gamitin ni Smutz ang kanyang mga panalo para bumili ng bagong sasakyan at mag-tour kasama ang kanyang asawa.
