DAGUPAN CITY-Tinmagey na masolok ya sanlasus tan limamplon porsyento so kaso na baris diad region 1 natan ya taon.
Diad datos na Department of Health o DOH Region, tinmagey na 162.5 percent so kaso na baris diad plimiron bulan natan ya taon kumpara diad parehon panaon nen apalabas ya taon.
Sangkatageyan ya kason naikurit diad luyag na Pangasinan no iner sinmapat ed 500 percent tan limara so naikurit ya inatey lapud sayan sakit.
--Ads--
Sakey ya nenengnengen na DOH ya makasengeg na intagey na kaso na baris say abeban bilang na aray manpapabakuna lapud takot dad Dengvaxia.
Diad kaplesan, uunpapasyar ed saray kaabungan iray kabiangan na DOH pian manmonitor ed saray abakunahan.
