DAGUPAN CITY- Matapos ang pag atake ng Iran ay naging tuloy-tuloy na ang katahimikan sa Israel.
Sa ekslusibong panayam ng Bombo Radyo Dagupan kay Shay Kabayan, Bombo International News Correspondent sa bansang Israel, hindi pa nasusundan ang pag atake ngunit walang humpay pa rin ang pag momonitor ng Israel Defense Forces sa posibilidad na muling pag atake ng Iran.
Gayunpaman, wala naman naitalang kaswalidad mula sa nasabing pag atake.
Samantala, payapa at nasa maayos na kalagayan pa din ang mga Pilipino sa iba’t ibang syudad ng Israel.
Aniya, patuloy pa din ang pagtatrabaho nila partikular na sa mga caregivers.
Dagdag pa niya, ipinawagan niya na wala dapat ipag alala ang kanilang mga kamag anak mula dito sa bansa dahil malayo sila sa banta ng panganib.
