DAGUPAN CITY– Impalapag nen National Security Adviser Hermogenes Esperon Jr., Aya agla pankelawan so impaway na ngaran na balon emir na ISIS diad Southeast Asia.
Saya so imporek na retiradon Heneral ed esklusibon impituyaw na Bombo Radyo Dagupan, kasumpalan ya kumpirmaen nen PNP Chief Director General Ronald Bato Dela ya walay ipapasen ya balon emir so ISIS diad Southeast Asia diad inkatoo nen Amin Baku base metla ed impormasyon ya nanlapud narel ya Indonesian terrorist ya si Muhammad Ilham Syaputra.
Impaliwawa nen Esperon, ya sayan talaga so gagaween na aray teroristang grupo no sikara so inateyan na lider tampol iran mansasalat.
Inyarum ni nen Esperon ya abayag da lan emben so ngaran nen Baku tan aya so nanenengneng diad kulaan na saray terorista.
Akabatan ya si Baku so sakey ed saray sangkabayagan lan terror fighter diad bansa tan nakakaiba ed saray pigaran lan labanan ed rehiyon na Mindanao.
Wala met la iya diad Mamasapano nen panaon ya apatey na aray SAF troopers si Zulkifli Bin Hir alias Marwan sa nen 2015.
