Nakapagtala ng highest record na 942 na nabakunahan sa isang araw dito sa lungsod ng Dagupan.
Ayon kay Dagupan City mayor Marc Brian Lim, ito aniya ay resulta ng re arranagement sa proseso vaccination program .
Sinabi nito na target nila na makapagbakuna ng mahigit isang libo sa isang araw.
Tiniyak ni Lim na gagawin nila lahat para mapabilis ang vaccination sa lungsod.
Kabilang sa plano nila ang offsite vaccination o may pupunta sa mga barangay para magbakuna.
Sa ngayon ay umaabot na sa 63,000 doses ng bakuna ang naibigay.
Tinatayang nasa 27 hanggang 28 na libo ang fully vaccinated.
Giit ng alkalde na basta tuloy tuloy ang pagdating ng bakuna sa loob ng 7-8 buwan ay matatapos ang pagbabakuna sa buong ciudad.
Sa kabilang dako, iniulat ni Lim na nagha hire na sila ng mga bagong nurses sa nakalipas na 2 linggo.
Naghahanap din ang ciudad ng dalawang karagdagang doktor. Marami aniyang nag apply at nagpapainterbyu at ang mga makukuha ay dadagdag sa manpower ng mga health heathcare worker ng ciudad.
