DAGUPAN CITY– Hustisya so kekerewen natan na saray kapamilya na sakey ya Grade 5 pupil ya bii kasumpalan ya ginawan sex slave na sarili ton ama diad diad Limay, Bataan.
Onong ed nalan impormasyon na Bomboradyo Dagupan insegepan na kason incest rape so 45 anyos ya padre de pamilya lapud inpanabuso ed say sarili ton anak.
Based istorya na biktima , ginmapo so inpanmolestiya ed sikato na ama to diad panamegley na inpangiloob na gamet tod kayaryan to aggad saya so inabuso metla.
Paulit ulit iyan aabusuen na ama to kada nanaugip ya ginmapo nen saya so Grade 1 ni labat anggad saya so Grade 5.
Aga nandalem so biktima ed say ina to lapud takot ton ag eya manisia tan walay pasakbay na ama ton saya so pateyen no mandalem.
Bangbalet, nen Pabrero 15 inulit lamet na ama to ya sengegan piyan say ogaw ya biktima so nandalem la ed say asingger ya kanayon da.
