DAGUPAN CITY– Inatey so sakey ya government employee kasumpalan ya abangga na tricycle legan ya umbabasil ed karsada diad ciudad na Dagupan.
Kinabat so biktima ya si Edwin Biazon, singkuwenta anyos, walay asawa, government employee tan residente na Sitio Palatong, Barangay Bonuan Boquig ciudad na Dagupan.
Diad imbestigasyon na saray otoridad, agaway insidente ed abitlan barangay no iner legan ya unbabasil so biktima diad kalsada so abangga na tricycle ya mamanihuen nen Ricardo Lomibao, 69 anyos, residente na Barangay Bonuan Gueset diad siyudad ng Dagupan.
Akagamor na sugat so biktima diad nanduruman parte laman to.
Inawit iya diad ospital balet saya so inatey.
Kaleganan tonya, mansasansia nid kustodiya na saray otoridad so driver na tricycle tan akagetar ya isegepan na kaso.
