Dagupan City – Naging makabuluhan ang inilunsad ng Bombo Radyo Philippines ang kampanyang “Dugong Bombo: A Little Pain, A Life to Gain,” isang blood donation drive sa pakikipagtulungan sa Bombo Radyo Philippines Foundation at Philippine Red Cross.
Ayon kay Daniel Flores, Club president ng Grand United Horizon Eagles Club- Northern Luzon Region 5, suportado nila ang mga ganitong aktibidad lalo na’t malaking tulong ito sa mga nangangailangan.
Kung kaya’t bukod sa pagdodonate ng dugo, nagbigay din sila ng tulong gaya na lamang ng pagkain sa mga magdodonate ng dugo bilang pagpapakita ng kanilang saludo sa mga ito.
Ayon naman kay SJO2 Noni Bautista, Blood Galloner katuwang ang BJMP San Carlos ay suportado nila ang aktibidad.
Ibinahagi naman nito na bukod sa tulong na ibibigay sa mga ngangailangan, maganda din ang pagdodonate ng dugo sa kalusugan ng bawa’t indibidwal.
