DAGUPAN CITY—Inyatagey la na Pangasinan Provincial Health Office so code red alert diad amin ya ospital ed probinsya nilira ed say pangabet na balon taon.
Diad impituyaw na Bombo Radyo Dagupan ed kinen Dra. Ana Marie De Guzman, Provincial Health Officer , impalapag ton aka code red alert iray ospital no Desyembre 24, 25, 30, 31 tan Enero 1.
Intawag imano lamet nen De Guzman ed publiko ya iwasan so panusar na paputok ed say pangabet na balon taon tan imbes mangusar na say alternatibong bengat lan makapan ingal kaparay totot tan arum nira.
Inkuwanton nandeklara lara na code red alert no iner akatarya laray emergency room diad amin ya ospital ed interon bansa piyan tampol ya narespondian iray magmaliw ya biktima na paputok ed pangabet na balon taon.
