Dagupan City-Boluntaryon sinmuko ed saray otoridad so sakey ya punong barangay kasumpalan ya makabangga na sakey ya laki diad baley na Sison, Pangasinan.
Onong ed impormasyon manlalapud PNP, kusan loob ya sinmuko diad istasyon da si Punong Barangay Joselito Tomalad, kwarentay siyete anyos, residente ed Tagahan, Navotas kasumpalan ya nabangga tonya si Rodolfo Martinez, bente dos anyos, residente na Barangay Sogcung diad baley na Pozzorubio, legan ya manmamaneho na say luluganan to diad karukuyan na Barangay Asan Sur diad baley na Sison.
Akagamor na saray sugat diad laman to so biktima tan tampol met ya inawit diad ospital.
Kaleganan tonya, wala metla so agawan inpantotongtong diad baetan na say punong barangay tan saray kapamilya na say biktima.
