DAGUPAN CITY– Inatey so sakey ya Barangay Kagawad kasumpalan iyan paltugen na saray agga kabat ya suspek diad baley na Manaoag, Pangasinan.
Kinabat so biktima ya si Armando dela Cruz, 43 anyos tan kaplesan ya Brgy. Kagawad na Sitio Isla, Pinmaludpud, Urdaneta Pangasinan.
Onong ed kinen Police Chief Inspector Dave Mahilum, hepe na Manaoag PNP, akalugan so biktima diad luluganan to nen biglan sinabat iya na sakey ya motorsiklo no iner lugan so duwaran agga kabat ya lalaki.
Nen wala larad petek na kotse to nen Dela Cruz bigla da met lan pinapaltog so biktima.
Maples ya tinmakas iray suspek diad agga antan direksyon.
Nibatik ni so biktima diad patambalan bangbalet indeklaran dead on arrival (DOA) na doktor.
Kaleganan tonya, arekober na aray elemento na PNP Crime Laboratory o SOCO team na Urdaneta City diad akagawaan na krimen so anemiran basyo na bala.
Diad kaplesan, onong ed si Mahilum tuloy ni gagaween dan imbistigasyon pian naantaan no antoy tuwan motibo na impamaltog.
