DAGUPAN CITY– Anggapo ni mangaala ed saray bangkay na duwaran Vietnamese national ya managsigay ya apatey diad baley na Bolinao, Pangasinan.
Onong ed nalan impormasyon na Bombo Radyo Dagupan, wala ni irayad punerarya diad baley na Bani tan anggapo ni linman kapamilya na duwaran biktima.
Aalagaren da ni isabi na sakey ya ibabagan spokeperson ya otorisadon mangiter na palapag nilirad asalitan insidente.
Kaleganan tonya, diad impituyaw na Bombo Radyo Dagupan ed kinen Alberto Cornell Ventenilla, say makangawa na punerarya, akagamor na kenay bala diad beklew so biktiman si Le Vam Liem kaleganan ya si Le Van Reo o awalaan na kenad beneg ya tinmalos diad pagew to.
Inyarum ni na say makangawa na punerarya, ya atuklap so sungot tan timir nen Reo kanyan dinait danya.
