DAGUPAN CITY – Lapud kakulangan na bakuna kontra ed rabies ya para ed saray totoon aketket na aso, pan-aapagan la na sa saray aketket na aso diad ciudad na San Carlos so nakekeraan ya bakuna na City Health Office.
Onong ed kinen City Health Officer Dr. Edwin Guinto, lapud saya, mangagawa ira na emergency purchase na passive ya bakuna o bakunan maminsan labat ya usaren balet mabli so presyo to tan say active ya bakuna ya panapagan ya saliwen na saray pasyente da.
Diad kaplesan, walay anemalasus lan pasyenteng aketket na ayep diad ciudad na San Carlos.
Onong ed kinen Guinto, say naiter ed sikaran bakuna so unduga la komon tan libre bangbalet lapud anggapoy sinmabin bakuna kanyan sikaray nan emergency purchase na passive vaccine balet saya so libre para labat ed saray taga ciudad na San Carlos.
Onong ed kinen Guntio, natan say brand na bakuna ya uusaren da so nayarin panapagan na limaran pasyente.
Inkuwanto ya limamplon vials labat so asaliw na San Carlos City Government ta masyadong mabli.
Inkuwanton say maong ya gaween da natan so eletan so panbakuna ed saray aso lalo la saray akar akar iran aso.
